უმუშევრად დარჩენილ მოსახლეობას თვიდან თვემდე თავის გატანა უჭირს.  ის რომ ქვეყანაში მძიმე ყოფაა ამაზე UNICEF-ის  კვლევის შედეგებიც მიანიშნებს.

გაძვირებული ცხოვრება და მომატებული ფასები ეს ის ძირითადი პრობლემებია, რომლებზეც მოსახლეობა აქტიურად საუბრობს. მთავრობის ეკონომიკურ გუნდს უმოქმედობაში ადანაშაულებენ და ამბობენ, რომ მათი სოციალური მდგომარეობა ყოველდღიურად მძიმდება. მოქალაქეები "ობიექტივთან" საუბრის დროს ამბობენ, რომ ქუჩაში მოწყალების მთხოვნელთა რიცხვმა მკვეთრად მოიმატა.

გასული თვის განმავლობაში საქართველოში უცხოელმა ვიზიტორებმა მხოლოდ 15.6 მილიონი დოლარი დახარჯეს, რაც 2019 წლის სექტემბერთან შედარებით 95%-ით ნაკლებია. მხოლოდ ბოლო ორი თვის - აგვისტო-სექტემბრის განმავლობაში საქართველოს შემოსავალი ტურიზმიდან წლიურ ჭრლში 700 მილიონი დოლარით არის შემცირებული.

მეოცნებე ხელისუფლების ქმედით ნაბიჯებს იწუნებენ  ეკონომისტები. ისინი მთავრობის ეკონომიკური გუნდის არაკვალიფიციურ საქმიანობაზე საუბრობენ და ამბობენ, რომ 2021 წლის ბიუჯეტის პროექტი გადახედვას საჭიროებს. ეკონომისტები ხელისუფლებას ეფექტური მექანიზმების შემუშავებისაკენ მოუწოდებენ, რომ მოქალაქეთა სოციალური მდგომარეობა გაუმჯობესდეს.

საქსტატის ცნობით, უარყოფითმა სავაჭრო ბალანსმა 2020 წლის იანვარ-სექტემბერში სამ მილიარდ დოლარზე მეტი შეადგინა.

ეკონომიკური და სოციალური მდგომარეობა ყოველდღიურად რთულდება, გაძვირებულია მედიკამენტები, სურსათი და დაუბალანსებელია ლარი.

ეკონომიკური კოლაფსისგან თავის დასაცავად მმართველ გუნდს დღემდე არ აქვს შემუშავებული გეგმა, რომელიც ქვეყანას კრიზისული მდგომარეობიდან გამოიყვანს.

ქვეყანაში არსებულ ეკონომიკურ კრიზისზე და მოქალაქეთა გაჭირვებაზე წლებია საუბრობენ "პტრიოტთა ალიანსში". პარტიის აღმასრულებელი მდივანი ხელისუფლების არასწორ ეკონომიკურ პოლიტიკაზე საუბრობს და  ქვეყანაში არსებული მძიმე ვითარების გამოსასწორებლად გამოსავალს ხელისუფლების შეცვლაში ხედავს.

საქსტატმა ეკონომიკური ზრდის წინასწარი შეფასება გამოაქვეყნა, რომლის თანახმადაც საქართველოს ეკონომიკა წინა წლის შესაბამის პერიოდთან 5,3 პროცენტით შემცირდა. საქსტატის ცნობით, მიმდინარე წლის აგვისტოში წინა წლის შესაბამის პერიოდთან შედარებით კლების ტენდენცია გამოვლინდა თითქმის ყველა სექტორში, გარდა სამთომოპოვებითი მრეწველობისა.

ლარის ოფიციალური გაცვლითი კურსი დოლართან მიმართებით 3.33 თეთრს შეადგენს.

სტატისტიკის ეროვნულმა სამასახურმა მორიგი საგანგაშო მაჩვენებელი გამოაქვეყნა. ახალი მონაცემების მიხედვით, ირკვევა, რომ  2020 წლის აგვისტოში საქართველოში ფასების საერთო დონე  4.8%-ით გაიზარდა.

2020 წლის 27 აგვისტოს საქართველოს ეროვნულმა ბანკმა 40 მლნ დოლარი გაყიდა და ოფიციალურმა გაცვლითა კურსმა 3, 0696 ლარი შეადგინა. ჯამში, 13 მარტიდან 27 აგვისტოს ჩათვლით სებ-მა ბაზარს 329,65 მლნ დოლარი მიაწოდა.