19.04.2021 | 14:34
თანამგზავრი AzerSpace1: აღმ. გრძედის 46.0°, პოლ.H, სიხშირე 11135 MHz (MPEG2) და 11094 MHz (MPEG4)
პირდაპირი ეთერი:
+995 32 2 388 105
obieqtivi2
info@obieqtivi.net
დღის სიახლეები
მიანმაში სამხედრო გადატრიალება მოხდა და 1 წლით საგანგებო მდგომარეობა გამოცხადდა [ვიდეო]

 მიანმაში სამხედრო გადატრიალება მოხდა და არჩეული ლიდერი, პარტიის "ეროვნული ლიგა დემოკრატიისთვის" ხელმძღვანელი აუნგ სან სუ ჩიი, ქვეყნის პრეზიდენტი, ვინ მიინი და სხვა პოლიტიკური ლიდერები დააკავეს.  რამდენიმე საათში კი სამხედრო ტელევიზიით ქვეყანაში 1 წლით საგანგებო მდგომარეობის დაწესების შესახებ განცხადება გაკეთდა. გადატრიალებას წინ სამოქალაქო მთავრობასა და სამხედროებს შორის ქვეყანაში ჩატარებული არჩევნების საკითხზე დაძაბულობა უძღოდა.  2020 წლის 8 ნოემბერს მიანმაში საპარლამენტო არჩევნები გაიმართა, რომელშიც „დემოკრატიისთვის ეროვნული ლიგის“ პარტიამ გაიმარჯვა. „სოლიდარობისა და განვითარების პარტიამ“, რომელსაც მხარს სამხედროები უჭერენ, პარლამენტში მინიმალური რაოდენობის მანდატები მიიღო. ქვეყნის არმია ირწმუნება, რომ არჩევნები გაყალბებით ჩატარდა. შეერთებულმა შტატებმა მიანმაში მომხდარი გადატრიალება დაგმო და განაცხადა, რომ ვაშინგტონი "არჩევნების შედეგების შეცვლის ან მიანმაში ხელისუფლების დემოკრატიულად გადაცემის შეფერხების მცდელობის წინააღმდეგია ". აშშ-ის სახელმწიფო მდივანმა ანტონი ბლინკენმა სამხედროებს მთავრობის წარმომადგენლებისა და სამოქალაქო საზოგადოების ლიდერების დაუყოვნებლივ განთავისუფლებისკენ მოუწოდა.

გამოქვეყნდა 76 დღის წინ  |  ნანახია 277-ჯერ
დღის გადაცემები